In fraterna cumpagnia cristiana
Cunvegnu Sorres 19-20 lampadas 2024
In fraterna cumpagnia cristiana,
de Sorres sas santas pedras antigas,
an intesu boghes clericales amigas,
a s’evangeliu fattende campiana. (attenzione)
Da vocatzione a sas vocatziones,
est tema de custu nostru cunvegnu,
pro chi de chelos su divinu regnu,
eppana sos giovanos in visiones.
Tribagliu in ogni comunidade,
pro giovanos cammin(u)’accumpagnare,
e in sa vida insoro santa seberare,
sa via de divina voluntade.
E ecco Munsegnor Saba cuntentu,
prima de andare a manigare,
nos cheret a tottu comunicare,
notiscia de eclesiale eventu.
“Vicarium generalem habemus”
narat: est Marcu Carta munsegnore.
Nde aimus intesu su sentore,
fattos tzertos ch(i)’est isse, oe semus.
Augurios Marcu pro custu impignu,
Santu Nigola Santa Caderina
t’agiuen in custa noa faina,
a nde esser ogni die pius dignu.
Est toccadu a Migheli Gianola,
oe a nois dare letzione
e vivere cun nois a cumone,
de vocatvzione una bon(a)’iscola.
Deus de vocatzione est sa ‘ena,
e che ‘ena continuad’a brotare,
che sas istaiones sempre donare,
da s’ierru a maduridade piena.
Che giardineris semus giamados,
a pudare, zappare in su giardinu,
collaboradores de su Divinu,
cun Iss(e)’a dare frutos impignados.
Cun cunfort(u)’appo oe iscultadu,
su preideru cresched(e)’ogni die,
e semus amados sempre da chie,
una vida noa nos at donadu.
In s’omine b(i)’est sempre su disizu,
connoschere su sensu de s(u)’Amore,
sighende Cristos Deus e Segnore
giàmad(a)’a Lu sighire frad(e)’e fizu.
Dare nuntzi(u)’e vida vocatzione,
est istare attent(u)a sa giamada,
chi a s’omine mustrada s’istrada,
pro ognunu sa sua missione.
Est Deus Sant(u)e ringratziare,
de custas dies chi amus passadu,
d(e)’Evangeliu cuntemplende siddadu,
Cristos Fiz(u)’e Deus d’amare.
Cammina turritanu presbiteriu,
su cammin(u)’est sempre pius seriu.
sac. Tonio Sau preideru
